"Z. Luan Bregasi, President i BiznesAlbania dhe Z. Koli Sinjari, Drejtor Ekzekutiv i Biznes Albania, u takuan me Beate Andrees, Drejtoreshë Rajonale e ILO për Europën dhe Azinë Qendrore, dhe Claire Harasty, Drejtoreshë e ILO për Europën Qendrore dhe Lindore. Takimi u fokusua në forcimin e dialogut social në Shqipëri, mbështetje për procesin e anëtarësimit në BE dhe theksimin e rolit të Këshillit Kombëtar të Punës dhe komiteteve teknike për avancimin e reformave. Diskutimet theksuan gjithashtu rëndësinë e arritjes së Objektivave të Zhvillimit të Qëndrueshëm të Kombeve të Bashkuara (SDG-të).